“Qaradağ-Sumqayıt” magistral qaz kəmərində aşkar olunmuş qaz sızmalarının ləğvi məqsədilə 12.12.2024-cü il saat 10:00-dan “Müşfiqabad”, “Ceyranbatan” və “Pirəkəşkül” QPS-lərdən qaz təchizatının dayandırılması planlaşdırılır.
Senzor.az bildirir ki, bu barədə “Azəriqaz” İstehsalat Birliyindən məlumat verilib.
Məlumata görə, təmir-bərpa işləri aparılan müddətdə Abşeron rayonu üzrə Aşağı-Güzdək, Daş Güzdək, Atyalı, Hökməli, Nübar, Müşfiqabad Qaçqınlar şəhərciyinin və 12 sənaye müəssisəsinin, Abşeron rayonu üzrə Ceyranbatan və Saray qəsəbələrinin, Çaylı-Qobustan yaşayış massivinin və 3 sənaye müəssisəsinin, Qaradağ rayonu üzrə Müşfiqabad qəsəbəsinin, Binəqədi rayonu üzrə isə 28 May qəsəbəsinin və 12 sənaye müəssisəsinin qaz təchizatında müvəqqəti fasilə yaranacaq.
