İrəvandakı “Surmalu” ticarət mərkəzində baş verən partlayışla əlaqədar Ermənistanda iki günlük matəm elan edilib.

Senzor.az yerli KİV-ə istinadən bildirir ki, bu barədə qərarı ölkənin baş naziri Nikol Paşinyan imzalayıb.

Sənədə əsasən, matəm avqustun 17 və 18-ni əhatə edəcək.

Rəsmi məlumatlara görə, hadisə nəticəsində 16 nəfər həlak olub, 3 nəfər itkin düşüb, 62 nəfər xəsarət alıb. Müxtəlif tibb mərkəzlərində 7 nəfər müalicə olunur.

Partlayış pirotexniki məmulatlar mağazasında baş verib. FHN-də terror aktı versiyasını istisna edirlər.

**13:40

İrəvandakı “Surmalu” ticarət mərkəzində baş vermiş partlayışla əlaqədar Ermənistan hökuməti matəm elan edəcək.

Senzor.az yerli KİV-ə istinadən bildirir ki, bu barədə Ermənistan Nazirlər Kabinetinin mətbuat xidməti məlumat yayıb.

Matəm gününün vaxtı axtarış-xilasetmə işləri başa çatdıqdan sonra müəyyən ediləcək.

Xatırladaq ki, avqustun 16-da səhər saatlarında “Sürməli” ticarət mərkəzindəki parlayış nəticəsində ölənlərin sayı 16 nəfərə çatıb.