Ermənistanın paytaxtı İrəvanda etiraz aksiyası keçirilib.

Senzor.az yerli KİV-ə istinadən bildirir ki, bir qrup vətəndaş əvvəlcədən elan olunmuş aksiyada Azərbaycanın tarixi torpaqlarında qanunsuz şəkildə məskunlaşdırılmış ermənilərin bu ərazilərdən çıxarılmasına etiraz ediblər.

Yerli saytlar aksiyaya marağın olmamasından gileyləniblər. Maraqlıdır ki, sosial şəbəkələrdə Zabux hadisəsinə etiraz edən ermənilərin sayı çox olsa da, aksiyaya cəmi dörd-beş nəfər qatılıb.

Etirazçılar “Biz israr edirik ki, bu torpaqlar əvvəlki kimi bizim olaraq qalsın. Çıxıb etiraz etməlisiniz ki, dünya bunu bilsin” deyə çığır-bağır salıblar. Respublika meydanında təşkil olunan aksiyada vətəndaşlar “Laçın və Zabux dövlətçiliyimizin sonunun başlanğıcıdır”, “Erməni xalqının ləyaqəti harada gizlənib?” yazılmış plakatlar da qaldırıblar.