Özbəkistanda azərbaycanlı elm və mədəniyyət xadimləri mükafatlandırılıb.

Senzor.az bildirir ki, bu barədə Özbəkistanın Azərbaycandakı səfirliyindən məlumat verilib.

Qeyd olunub ki, bununla bağlı Özbəkistan Prezidenti Şavkat Mirziyoyev müvafiq sərəncam imzalayıb.

Sərəncama əsasən, Rəşid Behbudov adına Azərbaycan Dövlət Mahnı Teatrının vokalisti Gülyanaq Məmmədovaya “Özbəkistan Respublikasının Xalq artisti” adı verilib.

Bundan başqa, Akademik Ziya Bünyadov adına Şərqşünaslıq İnstitutunun direktor müavini, akademik Şahin Mustafayev, Bakı Dövlət Universitetinin Türkologiya kafedrasının müdiri, professor Ramiz Əskərov, Azərbaycan Milli Elmlər Akademiyası Nizami adına Ədəbiyyat İnstitutunun Azərbaycan-Türkmənistan-Özbəkistan ədəbi əlaqələr şöbəsinin müdiri Almas Binnətova “Dostluq” ordeni ilə təltif ediliblər.

Xatırladaq ki, Gülyanaq Məmmədova 2014-cü ildən həm də Azərbaycan Respublikasının Xalq artistidir.