ABŞ hakimiyyəti Azərbaycan və Ermənistanı diplomatik əməkdaşlığı fəallaşdırmağa və hərtərəfli sülh sazişi əldə etməyə çağırır.
Senzor.az yerli KİV-ə istinadən bildirir ki, bunu Dövlət Departamenti mətbuat xidməti rəhbərinin birinci müavini Vedant Patel keçirdiyi brifinqdə deyib.
Jurnalistlərdən biri ABŞ xarici siyasət departamentinin nümayəndəsindən Moskvada Azərbaycan-Ermənistan sərhədinin delimitasiyası üzrə ikitərəfli komissiyanın iclasını, eləcə də Brüsseldə keçiriləcək Ermənistan və Azərbaycan liderləri arasında baş tutacaq danışıqları şərh etməyi xahiş edib.
Vedant Patel deyib: “Mənim heç bir yeni bəyanatım yoxdur. Mən yalnız əvvəl dediklərimizi deyə bilərəm: ABŞ Cənubi Qafqaz üçün təhlükəsiz, sabit, demokratik, firavan və dinc gələcəyin təşviqinə sadiqdir. Biz Ermənistan və Azərbaycanı diplomatik fəaliyyəti aktivləşdirməyə və hərtərəfli sülh sazişi əldə etməyə çağırırıq”.
