Amerika Birləşmiş Ştatları Ermənistandakı vətəndaşlarını diqqətli olmağa çağırıb. 

Senzor.az bildirir ki, bu barədə ABŞ səfirliyi məlumat yayıb.

“Rusiya aviadaşıyıcıları Ermənistanda fəaliyyətini davam etdirir. ABŞ səfirliyi ABŞ vətəndaşlarını məlumatlandırır ki, Federal Mülki Aviasiya Administrasiyası (FAA) Rusiya Mülki Aviasiya Administrasiyasının Beynəlxalq Mülki Aviasiya Təşkilatının (ICAO) aviadaşıyıcıların monitorinqi üzrə təhlükəsizlik standartlarına cavab verməməsi səbəbindən Moskvanın aviasiya təhlükəsizliyi reytinqini aşağı salıb", - səfirliyin məlumatında deyilir.

Həmçinin qeyd edilir ki, bu FAA-nın uçuş təhlükəsizliyi reytinqi Ermənistanın aviadaşıyıcılarına məxsus və ya istismar edilən təyyarələrə şamil edilmir.

“Bunu nəzərə alaraq, diplomatik missiya ABŞ vətəndaşlarını Rusiya aviadaşıyıcılarının səlahiyyətlərinə aid olmayan səyahət variantlarını nəzərdən keçirməyə, faa.gov saytındakı yenilikləri izləməyə çağırır”, - məlumatda qeyd edilib.

Xatırladaq ki, ABŞ səfirliyi bir ay öncə də Ermənistanda yaşayan vətəndaşlarına terror təhlükəsiz barədə xəbərdarlıq etmişdi.