Böyük Britaniyanın Baş naziri Liz Trass Kraliçanın ölümü ilə bağlı açıqlama verib.

Senzor.az bildirir ki, o, bunun millət və dünya üçün böyük şok olduğunu deyib və dərindən kədərləndiyini bildirib.

Baş nazir Kraliçanı müasir Britaniyanın üzərindəki qaya və Böyük Britaniyanın ruhu kimi təsvir edib.

O, cəmi iki gün əvvəl Baş nazir kimi and içmək üçün Kraliça ilə Balmoral qəsrində görüşdüyünü, monarxın onun üçün şəxsi ilham olduğunu söyləyib.

Baş nazir bildirib ki, Kraliçanın vəzifəyə sadiqliyi hamı üçün nümunədir və bu gün böyük itki günüdür.

O, həmçinin bildirib ki, Kral Çarlzı dəstəkləmək və sadiqliyimizi və sədaqətimizi təqdim etmək üçün bir araya gəlmək lazımdır.

Yeri gəlmişkən, bu arada "Sun" nəşri Kraliça II Elizabetin vəfatı ilə bağlı matəmin 10 gün davam edəcəyi barədə məlumat yayıb. Dəfn mərasimi onun ölümünün 10-cu günündə keçiriləcək.