Milyarder Corc Soros 25 milyard dollarlıq imperiyasına nəzarəti ailənin vəsaitini ultrasolçu təbliğata xərcləməyə söz verən oğlu Aleksə ötürüb.

Bu barədə “Voll Strit Jurnal”a 37 yaşlı varis özü danışıb.

O bildirib ki, atasının siyasi hədəflərini genişləndirəcək, lakin səsvermə hüququ və abort hüququ, həmçinin gender bərabərliyi kimi digər prinsipləri də dəstəkləyəcək.

Sorosun qeyri-kommersiya Açıq Cəmiyyət Fondu “dünyada insan haqlarını dəstəkləyən və demokratiya quran” qruplara ildə təxminən 1,5 milyard dollar ianə edir.

Ötən ilin dekabrında fondun idarə heyəti Aleksi sədr seçib.

Aleks bildirib ki, Trampın Ağ Evə qayıtması ehtimalından narahatdır və Soros ailəsi 2024-cü ildə keçiriləcək prezident seçkilərində demokratlara dəstək göstərəcək.

Axar.az xatırladır ki, Tramp ona qarşı ittiham irəli sürən prokurorun Soros tərəfindən pulla ələ alındığını iddia edib.