Tbilisidə vətəndaşlar Rustaveli prospektində Gürcüstan parlamentinin binası yaxınlığında toplaşaraq yeddinci gündür “xarici agentlər” haqqında qanuna etiraz edirlər.
Senzor.az xatırladır ki, “Xarici təsirin şəffaflığı haqqında” qanun layihəsi artıq birinci oxunuşdan keçib - 83 deputat onu dəstəkləyib.
Əsasən gənclərdən ibarət olan etirazçılar Parlament binasından Gürcüstan Ali Məhkəməsinin ərazisinə gedəcəklər. Aprelin 22-dən etibarən etiraz aksiyası paytaxtın müxtəlif universitetlərində davam edəcək.
Qeyd edək ki, “Rusiya qanunlarına yox!” mitinqləri “Gürcü Arzusu”nun təşəbbüsü ilə irəli sürülmüş “Xarici təsirin şəffaflığı haqqında” qanun layihəsinə qarşı aprelin 15-dən başlayıb. Həmin gün Milli Məclisin Hüquq komitəsi qanun layihəsinin müzakirəsinə başlayıb. Sənəd gəlirlərinin 20%-dən çoxunu xarici dövlətdən alan QHT və KİV-lərin qeydiyyatını nəzərdə tutur. Onlar “xarici agentlər” kimi tanınacaq və xüsusi “etiketlər”dən - fəaliyyətlərinin xarici qurumlar tərəfindən maliyyələşdirildiyini göstərən yazıdan. istifadə edəcəklər.
Senzor.az
