Rusiyanın Yekaterinburq şəhərində polis və xüsusi təyinatlı qüvvələr azərbaycanlı iş adamı Vidadi Mustafayevi saxlayıblar.
Senzor.az bildirir ki, bu barədə yerli KİV məlumat yayıb.
Qeyd olunub ki, o, torpaq sahəsinin satışında fırıldaqçılıqda şübhəli bilinir.
Vidadi Mustafayevin idman zalından çıxarkən saxlanılıdığı bildirilib.
Qeyd edək ki, bu ilin sentyabrında Vidadi Mustafayevin Şahin Şıxlinskinin yerinə Rusiyanın Yekaterinburq şəhərində Azərbaycan icmasına və “Uraldakı azərbaycanlıların mədəniyyət, gənclər və idman Mərkəzi”nə yeni rəhbər təyin olunması ilə bağlı informasiya yayılmışdı. Amma sonradan Diasporla İş üzrə Dövlət Komitəsi bəyan etdi ki, sözügedən şəxsin Azərbaycan diasporuna heç bir aidiyyəti yoxdur.
