Rusiya Prezidenti Vladimir Putin Kremldə suriyalı həmkarı Bəşər Əsədlə görüşüb.
Senzor.az yerli KİV-ə istinadən bildirir ki, məlumatı Kremlin saytı yayıb.
Suriya rəhbəri koronavirus infeksiyası ilə mübarizədə və respublikaya ərzaq tədarükündə göstərilən köməyə görə qarşı tərəfə minnətdarlığını bildirib.
"Bu fürsətdən istifadə edərək Sizin şəxsinizdə Rusiya dövlətinə, xalqına, hər bir vətəndaşına uzun müddətdir əziyyət çəkən Suriyaya göstərdiyi humanitar yardımlara, həmçinin, beynəlxalq hüququn norma və prinsiplərini müdafiə etdiyi üçün Rusiya Xarici İşlər Nazirliyinə təşəkkür edirəm", - Əsəd deyib.
Putin isə bildirib ki, bütün çətinliklərə baxmayaraq insanlar Əsədə güvənir: "Əvvəlki illərin bütün çətinliklərinə və faciələrinə baxmayaraq, insanlar hələ də Sizə inanır və bərpa, normal həyata qayıtma prosesini Sizinlə əlaqələndirirlər. Bilirəm ki, bunun üçün çox işlər görürsünüz, eyni zamanda siyasi rəqiblərinizlə dialoq üçün çalışırsınız. Çox ümid edirəm ki, bu proses davam edəcək".
