Azərbaycan Respublikası Prezidentinin köməkçisi, Prezident Administrasiyası Xarici siyasət məsələləri şöbəsinin müdiri Hikmət Hacıyev İran İslam Respublikasının Azərbaycandakı fövqəladə və səlahiyyətli səfiri Seyid Abbas Musəvi ilə yenidən görüşüb.
Senzor.az bildirir ki, Seyid Abbas Musəvi görüşlə bağlı “Tvitter” səhifəsində paylaşım edib.
“Bu həftə ərzində ikinci dəfə Azərbaycan Respublikası Prezidentinin köməkçisi Hikmət Hacıyevlə görüşmək imkanım oldu. Səmimi müzakirələr zamanı yaxşı münasibətlərimizin cari vəziyyətini və gələcəyini, həmçinin maraq kəsb edən digər məsələləri müzakirə etdik”, - səfirin paylaşımında vurğulanıb.
Qeyd edək ki, H.Hacıyev sentyabrın 13-də də İran Azərbaycandakı fövqəladə və səlahiyyətli səfiri Seyid Abbas Musəvi ilə görüşmüşdü.
Xatırladaq ki, İran yük maşınlarının Ermənistan ərazisi ilə qanunsuz olaraq, Qarabağdakı Rusiya sülhməramlılarının məsuliyyət zonasına daxil olması ilə bağlı son günlər İran və Azərbaycan arasında gərginlik müşahidə olunur.
