Azərbaycanın qadın cüdoçusu Xədicə Qədəşova Xorvatiyanın paytaxtı Zaqrebdə yeniyetmələr arasında dünya çempionatında qızıl medal qazanıb.

Senzor.az bildirir ki, 52 kiloqram çəki dərəcəsində fəxri kürsüyə qalxan X.Qədəşova Azərbaycanda bütün yaş kateqoriyalarında dünya çempionatlarında bunu bacaran ilk cüdoçudur.

O, final görüşündə Fransa təmsilçisi Alisya Pulanjı məğlub edərək bu titula sahib çıxıb.

Qeyd edək ki, Xədicə Qədəşova bundan əvvəl Portuqaliyada keçirilən yeniyetmələrin Avropa çempionatında bürünc medal əldə etmişdi.