Suriyanın şimal-şərqindəki Deyr əz-Zor əyalətində PKK/YPG terror təşkilatının silahlıları ilə yerli sakinlər arasında silahlı toqquşmalar davam edir.
Senzor.az yerli mənbələrə istinadən bildirir ki, münaqişə terrorçuların liderləri, qruplaşmanın nəzarətində olan Deyr əz-Zorun hərbi şurası adlanan qurumun rəhbəri Əhməd əl-Habilin saxlanılmasından sonra başlayıb.
Əl-Xabil Həsəkə bölgəsində ələ keçirilib, bundan sonra yerli sakinlər PKK/YPG terrorçularının İzba, Muxaymidiya, Rubeya və Maamal kəndlərindəki keçid məntəqələrinə hücuma başlayıblar.
Bunun ardınca PKK/YPG yaraqlıları Deyr əz-Zora əlavə qüvvələr yeridib.
PKK/YPG terrorçuları arasında ölən və yaralananların olduğu bildirilir.
Əhməd əl-Xabilin qardaşı Cəlal da öz növbəsində sosial şəbəkədə PKK/YPG-ni təhdid edən video paylaşıb.
