Türkiyənin xarici işlər naziri Hakan Fidan Moskvada Rusiyanın müdafiə naziri Sergey Şoyqu ilə görüşüb.
Senzor.az yerli KİV-ə istinadən bildirir ki, bu barədə Rusiya Federasiyasının Müdafiə Nazirliyindən məlumat verilib.
Tərəflər taxıl sövdələşməsi və Suriyada birgə fəaliyyəti müzakirə ediblər.
S.Şoyqu Türkiyənin xarici işlər nazirini yeni vəzifəyə təyin olunması münasibətilə təbrik edib. O bildirib ki, Rusiya müxtəlif spektrli məsələlərin həlli istiqamətində Türkiyə ilə ikitərəfli strateji tərəfdaşlığı davam etdirmək niyyətindədir.
Türkiyənin xarici işlər naziri Hakan Fidan, öz növbəsində, Rusiya Federasiyası ilə Türkiyə arasındakı münasibətləri “dərin və strateji nöqteyi-nəzərdən düşünülmüş” adlandırıb.
