Ermənistanın baş naziri Nikol Paşinyan dünən axşam saatlarında hökumətin yaxınlığında etirazların qızğın vaxtında ailəsini Göyçə gölü yanındakı bağ evinə göndərərək tərəfdaşlarından kiçik bir dairə ilə görüşüb.
Bu barədə erməni nəşri “Hraparak” məlumat yayıb.
O, komandasına açıq şəkildə istefa verməyəcəyini, nəyin bahasına olursa-olsun hakimiyyəti saxlayacağını bildirib.
Baş nazirin bu açıqlamasından sonra meydandakı təhlükəsizlik qüvvələri etirazçılara qarşı daha sərt tədbirlərə keçiblər.
Xatırladaq ki, sentyabrın 19-da İrəvanda kütləvi etirazlar aksiyaları başlayıb. Etirazçılar Ermənistan hökumət başçısını dövlətə xəyanətdə ittiham edərək istefasını tələb edirlər.
