İki naməlum şəxs Rusiyanın İrəvandakı səfirliyinin qapısına qırmızı boya ilə dolu paket atıb.

TASS xəbər verir ki, müvafiq videoçarx Ermənistan sakinlərinin sosial şəbəkələrindəki səhifələrində yayılıb.

"Videoda iki nəfərin diplomatik missiyaya yaxınlaşdığı, arxalarında qırmızı boya ilə dolu kiçik torbalar tutduğu görünür. Səfirliyin darvazasına bir neçə addım qalanda onu hasara tərəf atırlar. Vandalların hərəkətlərinə hüquq-mühafizə orqanının əməkdaşı müdaxilə edib, bundan sonra onlar səfirlikdən uzaqlaşmağa başlayıblar.

Səfirlikdən bu insidentlə bağlı hələ şərh verilməyib", deyə agentlik qeyd edib.