Türkiyənin xarici işlər naziri Hakan Fidan BMT-nin 78-ci Baş Assambleyası çərçivəsində Nyu Yorkda ABŞ Dövlət katibi Entoni Blinkenlə görüşüb.

Senzor.az bildirir ki, bu barədə Türkiyə KİV-i məlumat yayıb.

Diplomatik mənbələrdən əldə edilən məlumata görə, təxminən 45 dəqiqə davam edən görüş qapalı keçirilib.

Görüş zamanı iki ölkə arasında əlaqələrin daha yüksək səviyyəyə qaldırılması üçün gələcəkdə atılacaq konkret və konstruktiv addımlar ətrafında fikir mübadiləsi aparılıb.

Görüşdə, həmçinin Qara dəniz Taxıl Təşəbbüsü, İsveçin NATO-ya üzvlüyü və Qarabağdakı son vəziyyət də müzakirə olunub.