AVRO-2024-ün seçmə mərhələsində bu gün VIII tura start veriləcək.
Senzor.az bildirir ki, ilk oyun günündə səkkiz qarşılaşma keçiriləcək.
A qrupunda Gürcüstan millisi Kipri, Norveç yığması İspaniyanı qəbul edəcək.
D qrupunda Türkiyə seçməsi bu tur final mərhələsinə vəsiqəni təmin edə bilər. "Ay-ulduzlular" Konyada Latviyanı məğlub etsə, qrupdakı digər matçların nəticəsindən asılı olmayaraq, Avropa çempionatında iştirak hüququ qazanacaq. Bu qrupda, həmçinin Uels-Xorvatiya matçı baş tutacaq.
E qrupunda Çexiya Farer adalarını, Polşa Moldovanı sınağa çəkəcək.
İ qrupunda isə İsveçrə Belarusla, Rumıniya Andorra ilə qarşılaşacaq. Bu qrupun Kosovo-İsrail matçı hərbi vəziyyətlə əlaqədar təxirə salınıb.
