Türkiyə Prezidenti Rəcəb Tayyib Ərdoğan BMT-ni islahatlara çağırıb.
Bu barədə Türkiyə Prezidenti Rəcəb Tayyib Ərdoğan partiyasının Türkiyə Böyük Millət Məclisindəki qrup toplantısında çıxışı zamanı bildirib:
“Birləşmiş Millətlər Təşkilatı və xüsusən də Təhlükəsizlik Şurası sürətlə özündə islahatlar aparmalıdır. Biz Birləşmiş Millətlər Təşkilatının və Təhlükəsizlik Şurasının elə bir strukturunu yaratmalıyıq ki, orada dünya xalqları özlərini ədalətli, bütün müxtəlifliyi və tarazlığı, xüsusən də coğrafi və dini bölgüsü ilə hiss edə bilsinlər. Dünyanın təhlükəsizliyini 5 dövlətin maraqlarına təslim edən strukturda davamlılıq yoxdur”.
Ərdoğan, həmçinin, “Beynəlxalq Fələstin-İsrail Sülh Konfransı”nı təşkil etməyi təklif edib.
