"Qarabağ" UEFA Avropa Liqasının qrup mərhələsində növbəti oyununu keçirib.
Senzor.az bildirir ki, Ağdam klubu H qrupundakı üçüncü matçında Almaniyada “Bayer”lə qarşılaşıb.
“Bay Arena”da oynanılan qarşılaşma meydan sahiblərinin böyükhesablı qələbəsi ilə yekunlaşıb – 5:1.
Bu qələbə ilə xallarının sayını 9-a çatdıran “Bayer” vahid lider olub. 6 xalı olan “Qarabağ” ikinci sırada yer alıb.
Qeyd edək ki, H qrupunun digər oyununda Norveçin "Molde" komandası doğma meydanda İsveçin "Hekken" klubuna eyni hesabla qalib gəlib - 5:1.
“Qarabağ” qrupda növbəti matçını noyabrın 9-da Bakıda “Bayer”ə qarşı keçirəcək.
