İsrail dünya tarixində döyüş şəraitində strateji raketdən müdafiə sistemindən ilk dəfə istifadə edib. Bu, Yəməndən atılan raketin vurulması zamanı baş verib.
“Qırmızı dəniz bölgəsindən İsrail dövlətinə atılan “Yer-yer” tipli “Strela” raketi uzaqmənzilli müdafiə sistemi tərəfindən müvəffəqiyyətlə vurulub.
Hərbi Hava Qüvvələrinin aşkarlama sistemləri raketin uçuş trayektoriyasını izləyib və onu maksimum dərəcədə effektiv şəkildə zərərsizləşdirib”, - deyə UNİAN İsrail Müdafiə Qüvvələrinin mətbuat xidmətinə istinadən bildirib.
Məlumata görə, İsrailin bu gün döyüş şəraitində ilk dəfə istifadə edilən “Arrow 3” raketdən müdafiə sistemi ABŞ ilə sıx əməkdaşlıq şəraitində yaradılıb. Sistem 2400 km-ə qədər məsafədə transatmosfer kinetik vuruş prinsipi əsasında işləyir. Standart “Arrow 3” radarı, versiyasından asılı olaraq 500 və ya 900 km-ə qədər məsafədə düşmən hədəfini müəyyən edə bilir.
