İsrail ordusu Qəzza zolağında quru əməliyyatı zamanı əhəmiyyətli uğurlar əldə edib, lakin bunun üçün ağır bədəl ödəyir.
Senzor.az yerli KİV-ə istinadən bildirir ki, bunu İsrailin müdafiə naziri Yoav Qallant deyib.
“Qəzzada fəaliyyət göstərən qüvvələrə qarşı döyüşlər davam edir və döyüş meydanında əldə olunan nəticələr və nailiyyətlər çox yüksəkdir. Təəssüf ki, müharibənin də bədəli var və ötən günün bədəli ağır olub. Buna baxmayaraq, biz davam etmək və qalib gəlmək əzmindəyik" , - Qallant qeyd edib.
Qeyd edək ki, İsrail ordusunun mətbuat xidməti dünən axşam saatlarında Qəzza zolağında gedən döyüşlərdə iki İsrail əsgərinin həlak olduğunu, daha ikisinin isə yaralandığını açıqlamışdı.
