İsrail hakimiyyəti fələstinli girovların ikinci qrupunu - 39 nəfəri azad edib.
Bu barədə İsrailin "The Jerusalem Post" qəzeti və "Al-Jazeera" telekanalı məlumat yayıb.
Azad edilmiş girovları daşıyan avtobuslar artıq İordan çayının qərb sahilindəki Beytuniya şəhərinə çatıblar.
Qeyd edək ki, bundan əvvəl Fələstinin HƏMAS hərəkatının 20 girovu (13 israillini və 7 əcnəbini) azad etdiyi bildirilib.
Xatırladaq ki, noyabrın 24-dən HƏMAS ilə İsrail arasında 4 günlük atəşkəs rejimi qüvvədədir. Razılaşmalara görə, bu müddət ərzində HƏMAS kiçik qruplar şəklində 50 girovu, İsrail isə 150 fələstinli girovu azad etməlidir. Hər iki tərəfdə söhbət qadın və uşaqlardan gedir.
