İsrail ordusu Cenin qaçqın düşərgəsindəki HƏMAS partlayıcı maddə hazırlayan mobil laboratoriyasını məhv edib.

Senzor.az yerli KİV-ə istinadən bildirir ki, bu barədə İsrail ordusundan məlumat verilib.

Məlumata görə, reyd zamanı terrorçuluqda şübhəli bilinən 5 nəfər öldürülüb, oxşar ittihamlarla axtarışda olan 21 nəfər həbs edilib.

Qeyd olunub ki, ümumilikdə İordan çayının qərb sahilində İsrail ordusu və İsrail Baş Təhlükəsizlik Xidmətinin növbəti əməliyyatı zamanı 29 nəfər həbs edilib.