İsrail ordusu Qəzza zolağında HƏMAS-a qarşı hərbi əməliyyatları bərpa edib.
Senzor.az yerli KİV-ə istinadən bildirir ki, bu barədə İsrail ordusundan məlumat verilib.
“Atəşkəs müddəti saat 07:00-də (Bakı vaxtı ilə saat 09:00) başa çatıb”, - məlumatda qeyd olunub.
ÇAXAL-dan bildirilib ki, atəşkəsin başa çatmasına az qalmış Qəzza zolağından İsrail ərazisi raket atəşinə tutulub. Məlumata görə, İsrail hazırda Qəzzaya avia və artilleriya zərbələri endirir.
Xatırladaq ki, Qəzza zolağında humanitar atəşkəs 24 noyabrda dörd gün müddətinə başlamış, daha sonra artırılmışdı.
