İsrail ordusunun Qəzza zolağında keçirdiyi quru əməliyyatı zamanı İsrail Baş Qərargahının keçmiş rəhbəri, hazırda İsrail hökumətində nazir olan Qadi Eyzenkotun oğlu, İsrail ordusunun ehtiyatda olan əsgəri Qal Eyzenkot öldürülüb.

Senzor.az yerli KİV-ə istinadən bildirir ki, Qadi Eyzenkot oğlunun ölümündən İsrail qoşunlarının cənub komandanlığına səfəri zamanı xəbər tutub.

Qal Eyzenkot Qəzzanın şimalındakı Cəbəliyə qaçqın düşərgəsində tunellərdən birində baş verən partlayış nəticəsində həlak olub.

İsrailin baş naziri Benyamin Netanyahu onun vəfatı ilə bağlı başsağlığı verib.