Azərbaycan və Türkiyə parlamentləri arasında əməkdaşlığın inkişafı müzakirə olunub.
Senzor.az xəbər verir ki, bu barədə Azərbaycanın Türkiyədəki səfirliyindən bildirilib.
Qeyd olunub ki, Milli Məclisin Azərbaycan-Türkiyə Parlamentlərarası Dostluq Qrupunun nümayəndə heyəti Türkiyə Böyük Millət Məclisində olub. Onlar Türkiyə-Azərbaycan Parlamentlərarası Dostluq Qrupunun İdarə Heyətinin üzvləri ilə görüşüblər.
Görüşdə iki ölkənin parlamentləri arasında əməkdaşlığın inkişafı ilə bağlı məsləhətləşmələr aparılıb.
Qeyd edək ki, Azərbaycan parlament nümayəndə heyəti Ankarada səfərdədir. Onlar Türkiyə Prezidenti Rəcəb Tayyib Ərdoğan tərəfindən qəbul olunublar.
**17:19
Türkiyədə Prezidenti Rəcəb Tayyib Ərdoğan Ankarada səfərdə olan Azərbaycan Milli Məclisinin nümayəndə heyətini qəbul edib.
Bu barədə Azərbaycanın Türkiyədəki səfirliyindən bildirilib.
Qeyd olunub ki, görüş hakim Ədalət və İnkişaf Partiyasının (AK Parti) qərargahında keçirilib.
