İraqın şimalında Türkiyə Silahlı Qüvvələrinin 6 hərbçisi şəhid olub.
Senzor.az bildirir ki, bu barədə Türkiyənin Milli Müdafiə Nazirliyi məlumat yayıb.
Şəhid olan Ramazan Günay, Mehmet Serinkan, İsmail Yazıcı zabit, Yasin Karaca, Şağatay Erenoğlu və Emre Taşkın isə sıravi hərbi qulluqçulardır.
Məlumata görə, terrorçular Türkiyə Ordusunun hərbçilərinə hücum edib. Atışma nəticəsində 3 hərbçi hadisə yerində şəhid olub. Yaralı halda xəstəxanaya çatdırılan 4 hərbçidən 3-ünün də həyatını xilas etmək mümkün olmayıb.
Türkiyə Ordusunun cavab atəşi nəticəsində 7 terrorçu məhv edilib.
