Ukrayna Hərbi Hava Qüvvələri Krım yarımadasının Feodosiya şəhərinin limanında “Novoçerkassk” desant gəmisini məhv edib.
Senzor.az bildirir ki, bu barədə Ukrayna Hərbi Hava Qüvvələrinin komandanı Mıkola Oleşşuk “Telegram” kanalında məlumat verib.
Onun sözlərinə görə, Rusiyada donanma getdikcə azalır. Bu dəfə Krımdakı “Novoçerkassk” desant gəmisi məhv edilib.
Krımın “rəhbəri” Sergey Aksyonov isə bildirib ki, limanın ərazisi bağlanıb, baş vermiş yanğın lokallaşdırılıb, hadisə yerində müvafiq strukturların əməkdaşları çalışırlar.
Xatırladaq ki, Ukrayna qüvvələri keçən ilin aprelində Rusiyanın Qara dəniz donanmasının flaqmanı “Moskva” kreyserinə qanadlı raketlərlə zərbə endirərək onu batırmışdılar.
