Türkiyə Milli Kəşfiyyat Təşkilatı (MİT) Suriyada PKK/YPG-nin terror məqsədləri üçün istifadə etdiyi 23 hədəfi məhv edib.
Senzor.az yerli təhlükəsizlik mənbələrindən alınan məlumata istinadən bildirir ki, Türkiyə hərbçilərinə İraqdakı hücumdan sonra MİT Suriyada PKK/YPG terror təşkilatının nəzarətində olan qondarma hərbi, kəşfiyyat, enerji/infrastruktur obyektlərinə, eləcə də bu təşkilatda "məsul vəzifələr" tutan şəxslərə qarşı hücumlar həyata keçirib.
Suriyada PKK/YPG-nin terror məqsədləri üçün istifadə etdiyi 5 kritik infrastruktur obyekti, 3 nəzarət-buraxılış məntəqəsi, 8 hərbi məntəqə, 2 sursat anbarı, 2 logistika anbarı, 2 texniki vasitə anbarı və tunel/yerləşdirmə işlərində istifadə edilən 1 avtomobil məhv edilib.
Əməliyyatların nəzərdə tutulan məqsədlərə çatana qədər davam edəcəyi bildirilir.
