Türkiyənin 5 vilayətində FETÖ-yə qarşı əməliyyat keçirilib.

Senzor.az yerli KİV-ə istinadən bildirir ki, bu barədə ölkənin daxili işlər naziri Ali Yerlikaya sosial şəbəkədə məlumat verib.

Əməliyyat zamanı 27 şübhəli saxlanılıb.

“Milli iradəmizə qarşı çevriliş etməyə cəhd edən FETÖ xainlərinin təqibindən əl çəkməyəcəyik”, - deyə nazir vurğulayıb.

Xatırladaq ki, yanvarın 18-də Türkiyədən Yunanıstana qanunsuz yollarla keçməyə çalışan 8 nəfər saxlanılıb. Onlardan 5-nin FETÖ üzvü olduğu müəyyən edilib.