ABŞ Senatının Xarici Əlaqələr Komitəsi Rusiya Federasiyasının Ukraynaya yardım və digər məqsədlər üçün aktivlərinin müsadirə edilməsi haqqında qanun layihəsini təsdiqləyib.

Bu barədə “Vedomosti” qəzeti hakimiyyətin sənədlərinə istinadən xəbər yayıb.

Müvafiq komitənin 21 üzvündən 20-si Rusiya aktivlərinə həbs qoyulmasına imkan verən sənədin lehinə səs verib.

Komitə sədri Bea Kardin qeyd edib ki, bu qanun layihəsi ABŞ-ın müharibə aparmadığı dövlətin vəsaitlərinin müsadirə edilməsi üçün ilk şərait yaradacaq. Sənəd qəbul olunarsa, Qərb ölkələri tərəfindən dondurulmuş 300 milyard dolların yalnız 5 milyardı müsadirə ediləcək.

Xatırladaq ki, Senatın Xarici Əlaqələr Komitəsindən əlavə, sənəd 2023-cü ilin sentyabrında ABŞ Nümayəndələr Palatasının Xarici Əlaqələr Komitəsi tərəfindən də təsdiqlənib. Qanun layihəsi 2023-cü il iyunun 15-də Konqresə təqdim edilib. Sənəd yalnız Konqresin hər iki palatasında təsdiqləndikdən və ABŞ Prezidenti Co Baydenin onu imzalamasından sonra hüquqi qüvvəyə minə bilər.