Bu gün səhər Kabil hava limanında ölkənin təhlükəsizlik qüvvələri ilə naməlum şəxslər arasında atışma baş verib. Hadisə nəticəsində Əfqanıstanın təhlükəsizlik qüvvələrinin bir əməkdaşı ölüb, üç nəfər isə yaralanıb.

Bu barədə Bundesverin əməliyyat komandanlığı (Almaniya Silahlı Qüvvələri) öz "Twitter" səhifəsində məlumat yayıb.

Qeyd olunub ki, atışma Kabil hava limanının şimal qapısında baş verib.

Amerika və Almaniya hərbçiləri də atışmada iştirak edib, onlardan heç biri xəsarət almayıb.

Azvision xatırladır ki, "Taliban" Kabilə girdikdən sonra minlərlə insan ölkəni tərk etmək ümidi ilə paytaxt hava limanına axın etməyə başlayıb. Bununla əlaqədar izdiham yaranıb, dinc insanlar arasında ölənlər var. ABŞ və britaniyalı hərbçilər Əfqanıstada çalışan əcnəbi heyətin və xarici missiyalarla əməkdaşlıq edən əfqanların təxliyəsi ilə məşğuldurlar.