UEFA Çempionlar Liqasının II təsnifat mərhələsində üz-üzə gələn "Linkoln" (Cəbəllütariq) və "Qarabağ" komandaları arasında oyun başa çatıb.
Senzor.az bildirir ki, görüş Ağdam təmsilçisinin 2:0 hesablı qələbəsi ilə yekunlaşıb.
"Qarabağ"ın qollarını 45+2-ci dəqiqədə Olavio Juninyo və 75-ci dəqiqədə Toral Bayramov vurublar.
Qeyd edək ki, komandalar arasında cavab oyunu iyulun 30-da Bakıda olacaq. Bu cütün qalibi III təsnifat mərhələsində “Lüdoqorets” (Bolqarıstan) – “Dinamo” (Minsk, Belarus) duelinin güclüsü ilə qarşılaşacaq.
**21:36
UEFA Çempionlar Liqasının II təsnifat mərhələsinin "Linkoln" (Cəbəllütariq) - "Qarabağ" matçında ikinci qol vurulub.
Senzor.az bildirir ki, 75-ci dəqiqədə Toral Bayramov adını tabloya yazdırıb -0:2.
**21:02
UEFA Çempionlar Liqasının II təsnifat mərhələsinin "Linkoln" (Cəbəllütariq) - "Qarabağ" matçında ikinci hissə başlayıb.
Senzor.az bildirir ki, “Europa Point Stadium”dakı matçda Ağdam təmsilçisinin üstünlüyü davam edir - 1:0.
**20:48
UEFA Çempionlar Liqasının II təsnifat mərhələsinin "Linkoln" (Cəbəllütariq) - "Qarabağ" matçında hesab açılıb və ilk hissə yekunlaşıb.
Senzor.az bildirir ki, “Europa Point Stadium”dakı matçda Ağdam təmsilçisi fasiləyə üstün yollanıb - 1:0.
45+2-ci dəqiqədə Juninyo fərqlənib.
**19:58
UEFA Çempionlar Liqasının II təsnifat mərhələsinin "Linkoln" (Cəbəllütariq) - "Qarabağ" matçı start götürüb.
Senzor.az bildirir ki, qarşılaşma “Europa Point Stadium”da keçirilir.
Görüşü macarıstanlı İştvan Vad idarə edir.
**10:58
Bu gün UEFA Çempionlar Liqasında II təsnifat mərhələsinin ilk oyunlarına start veriləcək.
Senzor.az bildirir ki, Azərbaycan çempionu “Qarabağ” da turnirdə mübarizəyə başlayacaq.
Qurban Qurbanovun başçılıq etdiyi komanda Cəbəllütariqdə “Linkoln”un qonağı olacaq. “Europa Point” stadionunda keçiriləcək qarşılaşma Bakı vaxtı ilə saat 20:00-da başlayacaq.
Görüşü macarıstanlı FIFA referisi İştvan Vad idarə edəcək.
Qeyd edək ki, komandalar arasında cavab oyunu iyulun 30-da Bakıda olacaq. Bu cütün qalibi III təsnifat mərhələsində “Lüdoqorets” (Bolqarıstan) – “Dinamo” (Minsk, Belarus) duelinin güclüsü ilə qarşılaşacaq.
