Ermənistan parlamentində bu gün deputatlar arasında ikinci dava baş verib, iclas yarımçıq dayandırılıb.
Senzor.az yerli KİV-ə istinadən bildirir ki, deputatlar bir-birilərinə qarşı qeyri-etik ifadələrdən istifadə ediblər, daha sonra əl-qol davasına çıxıblar.
Belə ki, parlamentin iqtisadi məsələlər komissiyasının rəhbəri, “Ermənistan” blokunun deputatı Vaqe Akopyanın çıxışı zamanı hakim partiyadan olan deputatlardan biri ona replika atıb. Akopyan cavab verərək tribunanı tərk edib və hakim "Vətəndaş müqavilə"si fraksiyasına doğru gedib.
Əvvəlcə söz davasına çıxan deputatlar, daha sonra bir-birilərinə təpik-yumruq tətbiq ediblər. İclas yarımçıq dayandırılıb.
Xatırladaq ki, bu gün səhər də erməni deputatlar arasında dava olub, onlar bir-birlərinə su şüşələri atıblar.
