Gürcüstanın baş naziri İrakli Kobaxidze rəsmi Vaşinqtonun bu ölkəyə sanksiyaların tətbiq olunacağı ilə bağlı bəyanatına cavab verib.
“Sputnik-Грузия” xəbər verir ki, o bildirib ki, ABŞ rəsmilərinin analoji tərzdə fikirlər səsləndirməsi anılaşılmazdır.
O ölkəsinin ABŞ ilə münasibətlərə yenidən başlamağa hazır olduğunu sözlərinə əlavə edib:
“Son 3-4 il ərzində münasibətlərimizdə problem yaranıb. Ona görə də qarşı tərəfdən ədalətli, praqmatik və dostluq ruhuna uyğun yanaşma gözləyirik. Təhdid dilində danışmaq əvəzinə biz sağlam mühitdə dialoqun aparılmasına üstünlük verməliyik” – deyə, İ. Kobaxidze fikirlərini tamamlayıb.
Qeyd edək ki, bir qədər əvvəl ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen bildirib ki, bunun üçün rəsmi Pekinə Anakliya qəsəbəsində liman tikintisi üçün verilən icazə ləğv edilməli, ölkədə Avropa İttifaqının tələblərinə uyğun azad, ədalətli və demokratik seçki institutunun formalaşdırılmalı və hakimiyyət birmənalı olaraq zorakılıqdan çəkinməlidir.
**11:55
ABŞ Gürcüstanla münasibətlərin normallaşdırılması və ölkənin Avroatlantik regionuna inteqrasiyası üçün şərtlərini açıqlayıb.
Yerli KİV xəbər verir ki, dövlət katibinin Avropa və Avrasiya məsələləri üzrə köməkçisi Ceyms O'Brayen bunun üçün rəsmi Pekinə Anakliya qəsəbəsində liman tikintisi üçün verilən icazənin ləğv edilməli olduğunu bildirib.
Eyni zamanda ölkədə Avropa İttifaqının tələblərinə uyğun azad, ədalətli və demokratik seçki institutunun formalaşdırılmasının və zorakılıqdan çəkinmənin vacibliyi bildirilib.
