Azərbaycan Xalq Cəbhəsi Partiyasının (AXCP) sədri Əli Kərimli ilə bağlı verilən şikayəti icraata götürülməyib.
Qərar Nəsimi Rayon Məhkəməsində hakim Babək Pənahovun sədrliyi ilə keçirilən məhkəmə iclasında verilib.
Şikayət Cinayət Prosessual Məcəllənin 293-cü maddəsinə uyğun olmadığından icraata götürülməyib. Eyni zamanda sənədlər tam hazır olmadığından şikayətçiyə vaxt verilib.
Məhkəmənin hazırlıq iclası avqustun 19-u saat 11:00-a təxirə salınıb.
“Report” xatırladır ki, Ə.Kərimli barəsində bir neçə gün əvvəl sabiq partiya üzvü Əliyev Aydın Sədədqulu oğlu məhkəməyə müraciət edib. Aydın Əliyev müraciətində Ə.Kərimlinin şəxsiyyətin azadlığı və ləyaqəti əleyhinə olan cinayətlər bölümü ilə əlaqədar xüsusi ittiham qaydasında cəzalanmasını istəyib.
A.Əliyev uzun müddət AXCP-də fəaliyyət göstərib. O, 10 iyun 2019-cu il tarixində partiya sıralarından kənarlaşdırılıb.
