Ermənistanın baş naziri Nikol Paşinyan öz kabinetində orta məktəb şagirdləri ilə görüşüb.
Senzor.az yerli KİV-ə istinadən bildirir ki, hökumət başçısı məktəblilərə bu il Azərbaycanla Ermənistan arasında quraşdırılmış birinci sərhəd dirəyinin maketini göstərib.
“Sərhəd dövlətin mühüm simvoludur. Bu il Ermənistanla Azərbaycan arasında sərhədin delimitasiyası Tavuş vilayətində aparılıb”, - deyə baş nazir sərhədin delimitasiyası ilə bağlı məlumat verib.
Xatırladaq ki, 2024-cü il aprelin 23-də Azərbaycan Respublikası ilə Ermənistan Respublikası arasında sərhəddə yerdəki geodeziya ölçmələrinə əsaslanaraq koordinatların dəqiqləşdirilməsi prosesi çərçivəsində ilk sərhəd dirəyi quraşdırılıb.
