Türkiyə Böyük Millət Məclisində (TBMM) deputatlar arasında dava düşüb.
Senzor.az yerli KİV-ə istinadən bildirir ki, hadisə parlamentdə Can Atalayın deputatlığının ləğv edilməsi ilə bağlı keçirilən iclas zamanı baş verib.
Belə ki, iclasda Türkiyə İşçi Partiyasının İstanbuldan olan deputatı Ahmet Şık tribunada çıxış edərkən ölkənin hakim Ədalət və İnkişaf Partiyasının deputatlarının ünvanına müəyyən nalayiq ifadələr səsləndirib. Bunun ardınca tribunanın qarşısında millət vəkilləri arasında dava düşüb.
Qeyd edək ki, 48 yaşlı Can Atalay ötən il İşçi Partiyasının Hataydan deputatı seçilib. Cari il yanvarın 30-da isə mandatı ləğv edilib. O, Gezi işi çərçivəsində 2022-ci ildə “dövlət iqtidarını devirməyə cəhd” ittihamı ilə 18 il müddətinə azadlıqdan məhrum edilib.
Həmin görüntüləri təqdim edirik:
