ABŞ-ın vitse-prezidenti Kamala Harris Demokratlar Partiyasının qurultayı ərəfəsində keçirilən sorğularda respublikaçı rəqibi Donald Trampı 5 faiz qabaqlayır.
Bunu ABC televiziya şirkəti, "The Washington Post" qəzeti və "Ipsos" sosioloji xidmətinin birgə keçirdiyi sorğunun nəticələri də təsdiq edir.
Araşdırmaya görə, ABŞ vətəndaşlarının 50 %-i Harrisi, 45 %-i isə Trampı dəstəkləyir. Noyabr ayında keçiriləcək səsvermədə iştirak etməyi planlaşdıran, artıq qeydiyyatdan keçmiş amerikalı seçicilər arasında keçirilən sorğunun nəticələri də bunu göstərir - Harris Trampı 4 faiz qabaqlayıb.
Sorğu avqustun 9-dan avqustun 13-dək aparılıb. Burada ölkə üzrə 2,3 mindən çox insan iştirak edib.
Qeyd edək ki, ABŞ-da prezident seçkiləri noyabrın 5-də keçiriləcək.
