UEFA Çempionlar Liqasının pley-off mərhələsinin ilk oyunu çərçivəsində “Qarabağ” və Xorvatiyanın “Dinamo” komandaları üz-üzə gəliblər.
Senzor.az bildirir ki, Zaqrebdə yerləşən "Maksimir” stadionunda keçirilən qarşılaşma rəqibin 3:0 hesablı qələbəsi ilə yekunlaşıb.
"Dinamo"nun heyətində Marko Pyasa və Sandro Kulenoviç (2 qol) fərqləniblər.
Komandalar arasında cavab görüşü avqustun 28-də Bakıda Tofiq Bəhramov adına Respublika stadionunda keçiriləcək.
**09:56 (20.08.2024)
"Qarabağ" bu gün UEFA Çempionlar Liqasında (ÇL) növbəti oyununu keçirəcək.
Senzor.az bildirir ki, Qurban Qurbanovun baş məşqçisi olduğu komanda pley-off mərhələsinin ilk oyununda Xorvatiyada "Dinamo" (Zaqreb) klubunun qonağı olacaq.
"Maksimir" stadionunda gerçəkləşəcək qarşılaşma Bakı vaxtı ilə saat 23:00-da start götürəcək.
Görüşü İsveçdən olan FIFA referisi Qlenn Nyuberqin rəhbərliyi ilə hakimlər briqadası idarə edəcək.
Qeyd edək ki, tərəflər arasında cavab görüşü avqustun 28-də Bakıda olacaq.
