Hindistanın Baş naziri Narendra Modi ABŞ Prezidenti Cozef Baydenlə telefonla Ukrayna və Banqladeşdəki vəziyyəti müzakirə edib.

Senzor.az yerli KİV-ə istinadən bildirir ki, bu barədə Baş nazir X sosial hesabında yazıb.

“Mən ABŞ Prezidenti Baydenlə telefonla danışdım, müxtəlif regional və qlobal məsələlər, o cümlədən Ukraynadakı vəziyyətlə bağlı ətraflı fikir mübadiləsi apardıq. Bir daha qeyd etdim ki, Hindistan sülh və sabitliyin tezliklə bərpasını tam dəstəkləyir”, - deyə o bildirib.

"Biz Banqladeşdəki vəziyyəti də müzakirə etdik. Bu ölkədə normal həyatın tez bir zamanda bərpa edilməsinin vacibliyini vurğuladıq", - deyə Hindistan hökumətinin başçısı qeyd edib.