İranın keçmiş xarici işlər naziri Məhəmməd Cavad Zərif ölkənin yeni seçilən Prezidenti Məsud Pezeşkianın hökumətində təmsil olunacaq.

Senzor.az yerli KİV-ə istinadən bildirir ki, Cavad Zərif bu haqda öz X hesabında məlumat yayıb.

"Möhtərəm Prezidentin diqqəti və məsləhətləşmələrdən sonra Prezidentin strateji məsələlər üzrə müavini kimi vəzifəmi yerinə yetirəcəyəm", - Məhəmməd Cavad Zərif yazıb.

Qeyd edək ki, avqustun 1-də İran Prezidenti Məsud Pezeşkian Cavad Zərifi strateji məsələlər üzrə vitse-prezident təyin etmişdi. Cavad Zərif Məsud Pezeşkianın nazirlər seçimindən naraz olduğu üçün bu vəzifəsindən istefa vermişdi.

Onu da xatırladaq ki, Zərif 2013-2021-ci illərdə İranın xarici işlər naziri vəzifəsində çalışıb.