Britaniyanın Baş naziri Kir Starmer Berlində Almaniya Kansleri Olaf Şoltsla görüşüb.
Senzor.az xarici KİV-ə istinadən bildirir ki, Kir Starmer vəzifəyə gəldikdən sonra ilk səfərini Almaniyaya edib.
Səfərin məqsədi ölkələr arasında yeni tərəfdaşlığı müzakirə etmək, "Brexit"dən sonra Almaniya ilə Aİ əlaqələrini yenidən qurmağa çalışmaqdır.
Starmer Almaniya ilə yeni ikitərəfli sazişin işə salınması, yeni təhlükəsizlik və müdafiə müqaviləsinin hazırlanması ilə bağlı Olaf Şoltsla danışıqlar aparacaq.
Almaniya və Britaniya liderləri birgə mətbuat konfransı keçirəcəklər.
Bundan sonra Starmerin Parisə səfəri və orada prezident Emmanuel Makronla görüşü gözlənilir.
