Ermənistan və Azərbaycanın ən qısa müddətdə sülh sazişi imzalamaq üçün real şansları var.
Senzor.az erməni KİV-ə istinadən bildirir ki, bunu ölkənin xarici işlər naziri Ararat Mirzoyan Lüksemburq Böyük Hersoqluğu baş nazirinin müavini, xarici işlər, əməkdaşlıq və xarici ticarət naziri Ksavye Bettellə birgə mətbuat konfransında deyib.
Nazirin sözlərinə görə, Bakı və İrəvan sülh sazişinin 16 maddəsindən 13-nü tam, qalan 3-nü isə qismən razılaşdırıblar. Ermənistan Azərbaycana onuncu təkliflər paketini təqdim edib.
"Hesab edirik ki, qısa müddətdə sülh sazişi imzalamaq və Cənubi Qafqazda uzunmüddətli sabitlik səhifəsini açmaq üçün real imkan var", - o qeyd edib.
