ABŞ Prezidenti Co Bayden bildirib ki, sui-qəsd cəhdindən sonra sələfi Donald Trampla əlaqə saxlaya bilməyib.
Senzor.az bildirir ki, bu barədə Ağ Ev rəhbərinin mətbuat xidməti məlumat yayıb.
“Bayden Trampa zəng vurub, lakin onun telefonuna zəng çatmayıb,” – məlumatda deyilir.
Eyni zamanda vurğulanıb ki, ABŞ Prezidenti Trampla yenidən əlaqə saxlamağa çalışacağına söz verib.
Donald Tramp isə bu arada ona qarşı növbəti sui-qəsd cəhdinə görə Prezident Co Bayden və vitse-prezident, prezidentliyə namizəd Kamala Harrisi ittiham edib. 
Tramp ona ikinci dəfə sui-qəsd olunmasına səbəb kimi onu “demokratiyaya təhdid” adlandıran Prezident Baydenin və vitse-prezident Harrisin ritorikasını göstərib: “Ritorika mənə atəş açılmasına səbəb olub. Halbuki mən bu ölkəni xilas edəcək yeganə insanam, onlar isə bu ölkəni həm daxildən, həm də xaricdən dağıdırlar. Buna “daxili düşmən” deyilir. Onlar real təhdiddirlər”, - Tramp bildirib.
