İsrail ordusu bu gün “Hizbullah” lideri Həsən Nəsrullahın çıxışı ərəfəsində Livana aviazərbələr endirib.

Anadolu Agentliyi xəbər verir ki, qeyri-rəsmi mənbələr İsrail ordusunun 50-dən çox məntəqəyə hava hücumu təşkil etdiyini bildirib.

Hücumlarla bağlı Livan hökuməti və İsrail ordusundan hələlik heç bir açıqlama verilməyib.

İsrail ordusu “Hizbullah”a məxsus 30 raket platforması ilə birlikdə 150 raket buraxılış qurğusunu vurub. Bundan başqa Livanın cənubundakı müxtəlif bölgələrdə “Hizbullah”ın infrastruktur və silah anbarlarına da zərbələr endirib, artilleriya bölmələri isə Nakura bölgəsinə hücum edib.