İranın Üsləviyyə, Kənqan, Cem Buşəhr, Lavan, Siri neft-qaz sənaye müəssisələrində və İran körfəzində yerləşən dəniz platformalarındakı işçilər geniş etiraz aksiyalarına başlayıblar.

Senzor.az yerli KİV-ə istinadən bildirir ki, bu barədə Azad İşçilər Birliyi məlumat yayıb.

Narazı işçilər əmək haqlarının az olması, əlavə iş saatlarına görə ödəniş edilməməsi və qanunla nəzərdə tutulan hüquqlarının pozulmasına etiraz edirlər.

İşçilər “Ədalətli əmək haqqı qanunu həyata keçirilməlidir”, “Əmək müqaviləsi icra edilməlidir” və s. şüarlar səsləndirirlər.