“Qarabağ” UEFA Avropa Liqasında növbəti oyununu keçirib.
Senzor.az xatırladır ki, Azərbaycan çempionu Liqa mərhələsinin IV turunda Norveçdə “Budyo-Qlimt”in qonağı olub.
“Aspmüra” stadionunda oynanılan qarşılaşma Ağdam klubunun qələbəsi ilə başa çatıb - 2:1.
Hesabı 22-ci dəqiqədə Toral Bayramov açıb. Meydan sahibləri 41-ci dəqiqədə tarazlığı bərpa ediblər. Marks Berq fərqlənib. "Qarabağ"ın qələbə qoluna isə 69-cu dəqiqədə Abdullah Zubir imza atıb.
Bu, ağdamlıların Liqa mərhələsində ilk qalibiyyəti olub. "Qarabağ" bundan əvvəl keçirdiyi oyunlarda İngiltərə “Tottenhem”i ilə Niderland “Ayaks”ına 0:3, İsveçin “Malmö” kollektivinə isə 1:2 hesabı ilə uduzub.
**10:16
“Qarabağ” bu gün UEFA Avropa Liqasında növbəti oyununu keçirəcək.
Senzor.az bildirir ki, Azərbaycan çempionu Liqa mərhələsinin IV turunda Norveçdə “Budyo-Qlimt”in qonağı olacaq.
“Aspmüra” stadionunda oynanılacaq qarşılaşma Bakı vaxtı ilə saat 21:45-də başlayacaq. Görüşü portuqaliyalı FIFA referisi Luiş Qodinyo idarə edəcək.
Ağdam klubu bundan əvvəl keçirdiyi oyunlarda İngiltərədə “Tottenhem”ə, Bakıda Niderlandın “Ayaks” komandasına (hər ikisinə 0:3) və İsveçin “Malmö” kollektivinə (1:2) uduzub.
